ថ្ងៃសៅរ៍ ៦រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១ ខែកញ្ញា ឆ្នាំ២០១៨ ឯកឧត្តម ជា សុមេធី អភិបាលខេត្ត និងសហការី បានអញ្ជើញទទួលសម្ភារពី ឯកឧត្តម ហ៊ុន ម៉ានី និងលោកជំទាវ ព្រមទាំងបុត្រ ដែលបានឧបត្ថម្ភ អង្ករ១០តោន,ទឹកផ្លែឈើ ១,០០០កេស,មីយើង៣៥០កេស,ត្រីខ ៣៥០កេស និងទឹកសុទ្ធ(២០លីត្រ)៣៥០ធុង ក្នុងការជួយសង្គ្រោះបឋមដល់បងប្អូនប្រជាពលរដ្ឋរងផលប៉ះពាល់ និងរងគ្រោះដោយទឹកជំនន់តាមដងទន្លេនៅតាមបណ្តាស្រុកនានា ក្នុងខេត្តព្រៃវែង។ ឆ្លៀតឱកាសនេះដែរ ក៏សូមថ្លែងអំណរគុណដល់ឯកឧត្តម ស សុខា និងលោកជំទាវ ព្រមទាំងក្រុមការងារ ដែលបានឧបត្ថម្ភអង្ករ៣៦តោន,មី៣៥០កេស,ទឹកត្រី២០០យួរ,ទឹកស៊ីអ៊ីវ៣០០យួរ,ធុងទឹក៦០០ធុង និងសាប៊ូកក់សក់២០កេស ក្នុងខណៈនេះដែរ។ ជាថ្មីម្តងទៀត ឯកឧត្តមអភិបាលខេត្ត សូមថ្លែងអំណរគុណដ៏ស្មោះស្ម័គ្រ និងសូមជូនពរ ឯកឧត្តម និងលោកជំទាវ ព្រមទាំងក្រុមការងារទាំងអស់ ទទួលបាននូវពុទ្ធពរទាំង៤ប្រការគឺអាយុ វណ្ណ: សុខ: ពល: កុំបីឃ្លៀឃ្លាតឡើយ៕