ថ្ងៃសុក្រ ១៣ កើត ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៤ ខែសីហា ឆ្នាំ២០១៨ គម្រោងមូលនិធីឃុំ រួមមានឃុំ ចំនួន១០ក្នុងស្រុកបាធាយ នឹង១១ ឃុំក្នុង ស្រុកជើងព្រៃ ត្រូវបានដាក់អោយដេញថ្លៃ រួមមានឃុំច្បារអំពៅ ឃុំជាលា ឃុំបាធាយ ឃុំសណ្តែក ឃុំផ្អាវ ឃុំទំបន់ ឃុំមេព្រីង ឃុំជើងព្រៃ ឃុំតាំងក្រាំង ឃុំសំបូរ ក្នុងស្រុកបាធាយ។ ឯកឧត្ដម គួច ចំរើន អភិបាលខេត្តកំពង់ចាមបានលើកឡើងក្នុងការដេញថ្លៃត្រូវធ្វើជាសាធារណៈនិងត្រឹមត្រូវនឹងស្នើដល់បណ្តាលក្រុមហ៊ុនទាំងអស់ដែលបានទទួលការម៉ៅការធ្វើផ្លូវយ៉ាងណាគោរពតាមលក្ខណគោលការរបស់បទបញ្ជានៃរច្បាប់ម៉ៅការនិងសាងសង់ ឲ្យមានប្រសិទ្ធិភាពល្អនិងធានាគុណភាពឲ្យបានរឹងមាំក្នុងការធ្វើ។ ឯកឧត្តមបានបន្តទៀតថា កន្លងមកក្រុមហ៊ុនដែលដេញថ្លៃគម្រោងអភិវឌ្ឍន៍ផ្លូវលំក្រាលគ្រួសក្រហម ផ្លូវបេតុង ជីកស្រះ នឹងគម្រោងអភិវឌ្ឍន៍ផ្សេងៗ នៅតាមឃុំសង្កាត់ដូចជាមានភាពរញ៉េរញ៉ៃ គ្មានសណ្តាប់ធ្នាប់ នឹងបង្កការលំបាកដល់អាជ្ញាធរផងដែរ។ មានជនឈ្លាតឲកាសមួយចំនួនតូចចាំយកលុយទឹកតែ បង្កភាពអនាធិបតេយ្យ ដែលធ្វើអោយពលរដ្ធអស់សេចក្តីទុកចិត្តលើការដេញថ្លៃគម្រោងអភិវឌ្ឍន៍តាមឃុំនិមួយៗ ដូច្នេះហើយឯកឧត្តមក៏បានបព្ជាាអោយមន្រ្តីដែលពាក់ពន្ធ័ទាំងអស់ ត្រូវពិនិត្យមើលឡើងវិញ ត្រូវរៀបចំមិនអោយមានការដេញថ្លៃនៅតាមឃុំនិមួយៗទៀតទេ គឺត្រូវប្រមូលមកដេញនៅក្នុងស្រុកតែមួយកន្លែងបានហើយ ព្រោះវាផ្តល់ភាពងាយស្រួលដល់ក្រុមហ៊ុនទាំងអស់ នឹងអាជ្ញាធរមិនចំណាយពេលច្រើនទៅតាមឃុំនានា ចំនេញថវិការទាំងសងខាង ហើយបើក្រុមហ៊ុនមួយណា ដេញបានគម្រោងយកទៅអភិវឌ្ឍន៍ ត្រូវយកចិត្តទុកដាក់ក្នុងការអនុវត្តន៍គម្រោងអោយបានល្អ នឹងស្របតាមស្តង់ដាដែលរដ្ធបានកំណត់ មិនមែនដេញបានហើយធ្វើកេងចំនេញកំរាស បរិមាណកំពស់ ទំហំ ហើយធ្វើឈប់ៗនោះទេ ធ្វើមិនរួចរាល់តាមអ្វីដែលច្បាប់បានកំណត់ នឹងត្រូវដាក់ចូលក្នុងបញ្ជីខ្មៅ ឬលុបឈ្មោះចេញពីបព្ជាីដេញថ្លៃមិនអោយដេញថ្លៃគម្រោងអភិវឌ្ឍន៍ក្នុងឃុំសង្កាត់ក្នុងខេត្តកំពង់ចាមជារៀងរហូត។ ជាក់ស្តែងនៅព្រឹក ថ្ងៃទី២៤ខែសីហានេះ ឯកឧត្ដម គួច ចំរើន អភិបាលខេត្តកំពង់ចាមបានអញ្ជើញចូលរួមក្នុងការដេញថ្លៃគម្រោងអភិវឌ្ឍន៍ឃុំសង្កាត់ដោយផ្ទាល់ និងមានមន្ត្រីដែលពាក់ពន្ធ័ជាច្រើនអ្នកផងដែរ ឃើញថាការដាក់សំណើរគ្មានភាពរញ៉េរញ៉ៃ គ្មានការប្រតាយប្រតប់ទាញបុិតគ្នា មិនមានការចរចាថ្លៃទឹកតែ ដូចពេលកន្លងមកនោះទេ ដោយប្រព្រឹត្តណ៍ទៅយ៉ាងរលូន។ តែបើទោះបីយ៉ាងណាក៏ដោយប្រជាពលរដ្ធស្នើរសុំអោយអាជ្ញាធរឃុំឬស្រុក ជាពិសេសឯកឧត្តមគួច ចំរើន អភិបាលខេត្តកំពង់ចាម បន្តយកចិត្តទុកដាក់នឹងពិនិត្យតាមដានមើលនៅពេលក្រុមហ៊ុនចុះអនុវត្តន៍ផ្ទាល់ តើស្របតាមស្តង់ដា នឹងបច្ចេកទេសដែរឬទេ? ព្រោះកន្លងមកគេឃើញការអភិវឌ្ឍន៍នៅតាមឃុំដូចជាមិនស្របតាមអ្វីដែលច្បាប់គម្រោងបានដាក់មកនោះទេ គឺធ្វើលំៗយកតែរួចប៉ុណ្ណោះ ៕