ឯកឧត្តម ជា សុមេធី ព្រមទាំងមន្ទីរពាក់ព័ន្ធ បានអញ្ជើញចុះពិនិត្យមើលផ្លូវ និងផលប៉ះពាល់ ដែលរងគ្រោះដោយទឹកជំនន់ ក្នុងស្រុកពោធិ៍រៀង
ថ្ងៃព្រហស្បតិ៍១២កើត ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៣ ខែសីហា ឆ្នាំ២០១៨ ឯកឧត្តម ជា សុមេធី អភិបាលខេត្តព្រៃវែង និងឯកឧត្តម ស្បោង សារ៉ាត ប្រធានក្រុមប្រឹក្សាខេត្ត ព្រមទាំងមន្ទីរពាក់ព័ន្ធ បានអញ្ជើញចុះពិនិត្យមើលផ្លូវ និងផលប៉ះពាល់ ការខូចខាត ដែលរងគ្រោះដោយទឹកជំនន់ ពីភូមិកំពង់ក្រមួន ឃុំព្រៃកន្លោង ដល់ឃុំពោធិ៍រៀង ស្រុកពោធិ៍រៀង ដែលមានប្រវែង ៨៧០០ម៉ែត្រ មានស្ថានភាពខូចដោយការហូរច្រោះ និងទឹករលកបាក់ដល់តួផ្លូវ និងហូរច្រោះតួផ្លូវចំនួន៥កន្លែង ប្រវែងពី ៣ម៉ែត្រ ទៅ ៧ម៉ែត្រ៕
