អភិបាលស្រុកបរិបូណ៌ ដឹកនាំក្រុមការងារចម្រុះ ចុះបង្រាបបទល្មើសនេសាទក្នុងរដូវបិទនេសាទ
នៅព្រឹកថ្ងៃពុធ ១១កើត ខែស្រាពណ៍ ឆ្នាំច សំរិទ្ធិស័ក ព.ស ២៥៦២ ត្រូវនឹងថ្ងៃទី២២ ខែសីហា ឆ្នាំ២០១៨ លោក ឃួន សៅរុំ អភិបាលស្រុក និងជាប្រធានគណៈបញ្ជការឯកភាពរដ្ឋបាលស្រុកបរិបូណ៌ អមដំណើរដោយលោកនាយករដ្ឋបាលសាលាស្រុក បានដឹកនាំកម្លាំងចម្រុះរបស់គណៈបញ្ជការឯកភាពស្រុក ចុះរុះរើរបាំងស្បៃមុងចំនួន ០៥ កន្លែងប្រវែង ១៥០ម៉ែត្រ លូ ០៥ មាត់ បង្គោល ៨០ ដើម ត្រី ១០ គីឡូក្រាម។ ក្នុងឱកាសនោះដែរ លោកអភិបាលស្រុកក៏បានអប់រំផ្សព្វផ្សាយអំពីច្បាប់ជលផលជូនដល់បងប្អូនប្រជានេសាទក្នុងរដូវបិទនេសាទចំនួន ៣ ភូមិផងដែរ។ គូសបញ្ជាក់ថា ជាលទ្ធផលគណៈបញ្ជាការឯកភាពស្រុកពិនិត្យឃើញថាៈ បទល្មើសនេសាទមានការថយចុះបើប្រៀបធៀបនិងពេលដូចគ្នា នាឆ្នាំកន្លងមក ដោយបងប្អូនប្រជានេសាទមានការយល់ដឹង និងចូលរួមអនុវត្តថែមទៀតផង។
