https://www.interior.gov.kh/report/detail/1007
នៅថ្ងៃសុក្រ ១៤រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែសីហា ឆ្នាំ២០១៨ ឯកឧត្តម ជា សុមេធី អភិបាល នៃគណៈអភិបាល ខេត្តព្រៃវែង និងលោកប្រធានមន្ទីរពាក់ព័ន្ធព្រមទាំងកងកំលាំងទាំងបី លោកអភិបាលស្រុកពោធិ៍រៀង បានធ្វើដំណើរតាមទូកបណ្តោយដងទន្លេតូច ដើម្បីពិនិត្យស្ថានភាពទឹកជំនន់ ដែលបានលិចលុងនៅលំនៅដ្ឋានប្រជាពលរដ្ឋ វត្តអារាម និងសាលារៀន នៅភូមិពាមស្តី ឃុំអង្លង់ជ្រៃ ស្រុកពោធិ៍រៀង ខេត្តព្រៃវែង។ ឆ្លៀតឧកាសនេះផងដែរ ឯកឧត្តម អភិបាលខេត្ត ក៍បានសំណេះសំណាល សួរសុខទុក្ខ និងផ្តាំផ្ញើរសូមអោយបងប្អូនប្រយ័ត្នប្រយែងលើកូនចៅចៀសពីការលុងទឹក និងថែរក្សាសុខភាព៕
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។