ឯកឧត្តម ងី ច័ន្ទ្រផល ដឹកនាំក្រុមការងារអន្តរក្រសួង ជួបពិភាក្សាការងារជាមួយក្រុមបេសកកម្មសហភាពអឺរ៉ុប
ឯកឧត្តម ងី ច័ន្ទ្រផល រដ្ឋលេខាធិការក្រសួងមហាផ្ទៃ នៅទីស្តីការក្រសួងមហាផ្ទៃ នាព្រឹកថ្ងៃសុក្រ ៥កើត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៧ ខែមិថុនា ឆ្នាំ ២០១៩នេះ បានអញ្ជើញជាអធិបតីដឹកនាំក្រុមការងារអន្តរក្រសួង ជួបពិភាក្សាការងារជាមួយក្រុមបេសកកម្មសហភាពអ៊ឺរ៉ុបដែលដឹកនាំដោយលោកស្រី Alina Boicius អនុប្រធានអង្គភាព នៃអគ្គនាយកដ្ឋានពាណិជ្ជកម្ម ព្រមទាំងសហការីជាច្រើនរូបផងដែរ។
នៅក្នុងកិច្ចជំនួបនាព្រឹកនេះ ប្រធានបទសំខាន់ៗមានដូចជា សិទ្ធិមនុស្ស សិទ្ធិនយោបាយ និងបរិស្ថានសម្រាប់សង្គមស៊ីវិល នឹងត្រូវលើកយកមកពិភាក្សា។
សូមបញ្ជាក់ថា ក្រុមបេសកកម្មសហភាពអឺរ៉ុបនេះ បានមកបំពេញបេសកកម្មនៅប្រទេសកម្ពុជាចាប់ពីថ្ងៃទី០៣-០៧ ខែមិថុនា ឆ្នាំ២០១៩៕
ដោយ៖ នាយកដ្ឋានព័ត៌មានវិទ្យា
