សម្តេចក្រឡាហោម ស ខេង បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសាទរ ទិវាសប្តាហ៍ជាតិសុវត្ថិភាព ចរាចរណ៍ផ្លូវគោក លើកទី ១០ នៅខេត្តព្រៃវែង
នៅព្រឹកថ្ងៃទី០៤ ខែមេសា ឆ្នាំ២០១៧ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីអបអរសាទរ ទិវាសប្តាហ៍ជាតិសុវត្ថិភាព ចរាចរណ៍ផ្លូវគោក លើកទី ១០ នៅខេត្តព្រៃវែង។ នៅក្នុងពិធីនោះផងដែរ សម្តេចក្រឡាហោម បានមានមតិផ្តាំផ្ញើទៅប្រជាពលរដ្ឋនៅខេត្តព្រៃវែងក៏ដូចជាប្រជាពលរដ្ឋទូទាំងប្រទេសឱ្យចេះគោរពច្បាប់ចរាចរណ៍ផ្លូវគោកគ្រប់ៗគ្នាដើម្បីជៀសវាងគ្រោះថ្នាក់កើតឡើងដោយយថាហេតុ ដែលធ្វើឱ្យយើងខាតពេលវេលារកស៊ីនិងធ្វើការ បើយើងនាំគ្នាគោរពច្បាប់ទាំងអស់គ្នា នុះយើងពិតជាមិនមានគ្រោះថ្នាក់ដល់ជីវិតនិងមានសុវត្ថិភាពក្នុងការធ្វើដំណើរ។ ជាពិសេសសម្តេចក្រឡាហោមបានផ្តាំផ្ញើឱ្យមានការគោរពច្បាប់និងការបើកបររថយន្តក៏ដូចម៉ូតូប្រុងប្រយ័ត្នបំផុតនារដូវចូលឆ្នាំខ្មែរដែលនិងខិតជិតមកដល់ក្នុងពេលឆាប់ៗខាងមុខនេះ៕
