ព្រឹកថ្ងៃអង្គារ ៤រោច ខែចេត្រ ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី២៣ ខែមេសា ឆ្នាំ២០១៩ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញជាអធិបតីក្នុងកិច្ចប្រជុំពិភាក្សារបាយការណ៍ស្តីពីលទ្ធផល នៃការធ្វើអធិការកិច្ច លើកិច្ចការរដ្ឋបាល នគរបាល និងពន្ធនាគារខេត្តរតនគិរី ដោយមានការអញ្ជើញចូលរួមពី ឯកឧត្តម អគ្គាធិការរង លោកប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ នៃអគ្គាធិការដ្ឋានជាច្រើន។កិច្ចប្រជុំនេះពិភាក្សាផ្តោតទៅលើខ្លឹមសាររួមមាន៖
- ការចាត់តាំងអនុវត្តគោលនយោបាយ និងលិខិតបទដ្ឋានគតិយុត្តនានា
- ការអនុវត្តតួនាទី ភារកិច្ច រចនាសម្ព័ន របៀបរបបការងារ និងទំនាក់ទំនងការងារ
- ការគ្រប់គ្រងមន្ត្រី
- ការគ្រប់គ្រង ការចរាចរលិខិត និងឯកសារនានា
-ការផ្តល់សេវាសាធារណៈជូនប្រជាពលរដ្ឋ
- ការគ្រប់គ្រងថវិកា និងទ្រព្យសម្បត្តិរដ្ឋ៕ គឹមអាន
ដោយ៖ នាយកដ្ឋានព័ត៌មានវិទ្យា