នាព្រឹកថ្ងៃសុក្រ ១៥កើត ខែចេត្រ ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី១៩ ខែមេសា ឆ្នាំ២០១៩ នៅសាលប្រជុំអគ្គាធិការដ្ឋាន ឯកឧត្តម អុីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ បានដឹកនាំកិច្ចប្រជុំពិភាក្សាលើរបាយការណ៍ស្តីពីលទ្ធផល នៃការចុះធ្វើអធិការកិច្ច នៅនាយកដ្ឋានគ្រប់គ្រងអាវុធជាតិផ្ទុះ និងនាយកដ្ឋាននគរបាលទេសចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ ដោយផ្តោតទៅលើខ្លឹមសារដូចខាងក្រោម ៖
- ការចាត់តាំងអនុវត្តគោលនយោបាយ លិខិតបទដ្ឋានគតិយុត្តនានា
- ការអនុវត្តតួនាទី ភារកិច្ច រចនាសម្ព័ន្ធ របៀបរបបការងារ និងទំនាក់ទំនងការងារ
- ការគ្រប់គ្រង ការចរាចរលិខិត និងឯកសារនានា
- ការគ្រប់គ្រងមន្ត្រីនគរបាលក្រោមឱវាទ
- ការគ្រប់គ្រងថវិកា និងទ្រព្យសម្បត្តិរដ្ឋ ។
អញ្ជើញចូលរួមនាឱកាសនោះមាន ឯកឧត្តម អគ្គាធិការរង លោកប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ នៃអគ្គាធិការដ្ឋាន ៕ មុនីរម្យ
ប្រភព៖ អគ្គាធិការដ្ឋាន
