នារសៀលថ្ងៃទី០៣ ខែមេសា ឆ្នាំ២០១៧ នៅទីស្តីការក្រសួងមហាផ្ទៃ សម្តេចក្រឡាហោម ស ខេង បានអញ្ជើញ ជាអធិបតីភាពដ៏ខ្ពង់ខ្ពស់ក្នុងកិច្ចប្រជុំត្រួតពិនិត្យលទ្ធផលនៃការរឹតបន្តឹងអនុវត្តច្បាប់ស្តីពីចរាចរណ៍ផ្លូវគោកត្រីមាសទី១ ឆ្នាំ២០១៧។ ក្នុងត្រីមាសទី១ក្នុងឆ្នាំ២០១៧ គ.ស.ច.គ បានបន្តយកចិត្តទុកដាក់ដឹកនាំអនុវត្តទិសដៅការងារដែលបានដាក់ចេញសំដៅការកាត់បន្ថយចំនួនជនរងគ្រោះដោយគ្រោះថ្នាក់ចរាចរណ៍ឲ្យបានជាអតិបរមា ទទួលលទ្ធផលដូចតទៅ៖ បានត្រួតពិនិត្យយានយន្តសរុបចំនួន ១ ២៣៥ ៤៣២ គ្រឿង (ម៉ូតូ ៥៩%)។ បានរកឃើញយានយន្តល្មើសចំនួន ១៣៩ ៣១៦ គ្រឿងស្មើ ១១% និងបានចាត់វិធានការដូចតទៅ បានធ្វើការអប់រំចំនួន ៣៨ ៧៤៨ គ្រឿងស្មើ ២៨% បានធ្វើការពិន័យចំនួន ១០០ ៤៦៨ គ្រឿង ក្នុងនោះម៉ូតូចំនួន ៦២%។ ដោយអនុវត្តការបង់ប្រាក់ពិន័យតាមស្នាក់ការដែលបានកំណត់ទទួលបានប្រាក់ពិន័យចំនួន ២ ៣២១ ១៣០ ០០០រៀល (ពីរពាន់បីរយម្ភៃមួយលានមួយរយសាមសិបពាន់រៀលគត់)។ ការត្រួតពិនិត្យល្បឿន និងជាតិស្រវឹងបានយ៉ាងសកម្ម រកឃើញយានយន្តល្មើសល្បឿនចំនួន ១០ ៧៧៨ គ្រឿង និងល្មើសជាតិស្រវឹង ១៦ ៩៥នាក់ ក្នុងនោះឃាត់ខ្លួនបញ្ជូនសំណុំរឿងទៅតុលាការ ១២៦នាក់ ស្មើ៧% (អ្នកបើកបររថយន្ត ១៤នាក់ និងអ្នកបើកបរម៉
