នៅព្រឹកថ្ងៃព្រហស្បតិ៍ ៨រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ ខែមីនា ឆ្នាំ២០១៩ នៅសាលប្រជុំអគ្គាធិការដ្ឋាន ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ បានដឹកនាំកិច្ចប្រជុំពិភាក្សាលើរបាយការណ៍ស្តីពីលទ្ធផល នៃការចុះធ្វើអធិការកិច្ច កិច្ចការដ្ឋបាល នគរបាល និងពន្ធនាគារនៅខេត្តតាកែវ ដោយមានការអញ្ជើញចូលរួមមាន ឯកឧត្តម លោកជំទាវ អគ្គាធិការរង លោកប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញនៃអគ្គាធិការដ្ឋានជាច្រើនផងដែរ។ កិច្ចប្រជុំនេះផ្តោតទៅលើខ្លឹមសារសំខាន់រួមមាន៖
- ការចាត់តាំងអនុវត្តគោលនយោបាយ ច្បាប់ និងលិខិតបទដ្ឋាននានា
- ការអនុវត្តតួនាទី ភារកិច្ច រចនាសម្ព័ន របៀបរបបការងារ និងទំនាក់ទំនងការងារ
- ការគ្រប់គ្រងមន្ត្រីរាជការ នគរបាលជាតិ និងពន្ធនាគារ
- ការគ្រប់គ្រង ចរាចរលិខិត និងឯកសារនានា
- ការផ្តល់សេវារដ្ឋបាលជូនប្រជាពលរដ្ឋ
- ការគ្រប់គ្រងថវិកា និងទ្រព្យសម្បត្តិរដ្ឋ៕ គឹមអាន
ប្រភព៖ អគ្គាធិការដ្ឋាន
