ឯកឧត្តម អង មង្គល អញ្ជើញបិទការងារអធិការកិច្ចនៅខេត្តកំពង់ឆ្នាំង
នៅព្រឹកថ្ងៃសុក្រ ១០រោច ខែមាឃ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី០១ ខែមីនា ឆ្នាំ២០១៩ ឯកឧត្តម អង មង្គល រដ្ឋលេខាធិការក្រសួងមហាផ្ទៃ អញ្ជើញជាអធិបតីក្នុងពិធីបិទការងារអធិការកិច្ច កិច្ចការរដ្ឋបាល នគរបាល និងពន្ធនាគារនៅខេត្តកំពង់ឆ្នាំង ដែលប្រព្រឹត្តទៅនៅសាលាខេត្តកំពង់ឆ្នាំង ដែលមានការអញ្ជើញចូលរួមដោយ ឯកឧត្តម លោកជំទាវ អគ្គាធិការរង ប្រធាននាយកដ្ឋាន មន្ត្រីជំនាញ និង ឯកឧត្តម ក្រុមប្រឹក្សាខេត្ត ឯកឧត្តម អភិបាល នៃគណៈអភិបាលខេត្ត ស្នងការ ស្នងការរង ប្រធាន អនុប្រធានពន្ធនាគារ អភិបាលស្រុក អធិការស្រុក និងអស់លោក លោកស្រី ក្រុមប្រឹក្សាឃុំ សង្កាត់ជាច្រើនរូបទៀត៕ គឹមអាន
ប្រភព៖ អគ្គាធិការដ្ឋាន
