នៅព្រឹកថ្ងៃសុក្រ ១០រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០១ ខែមីនា ឆ្នាំ២០១៩ ឯកឧត្តម នាយឧត្តមសេនីយ៍ សន្តិបណ្ឌិត តេង សាវង្ស រដ្ឋលេខាធិការក្រសួងមហាផ្ទៃ បានអញ្ជើញជាអធិបតី ក្នុងពិធីចុះហត្ថលេខាផែនការសហប្រតិបត្តិការឆ្នាំ២០១៩ លើវិស័យអក្សរសម្ងាត់ រវាងក្រសួងមហាផ្ទៃ នៃព្រះរាជាណាចក្រកម្ពុជា ជាមួយគណៈអក្សរសម្ងាត់រដ្ឋាភិបាល នៃសាធារណរដ្ឋសង្គមនិយម វៀតណាម នាទីស្តីការក្រសួង។ ក្នុងពិធីចុះហត្ថលេខាផែនការសហប្រតិបត្តិការឆ្នាំ២០១៩ លើវិស័យអក្សរសម្ងាត់នេះ គឺចង់ឱ្យគណៈប្រតិភូទាំងពីរ ប្រជុំវាយតម្លៃលទ្ធផលផែនការសហប្រតិបត្តិការឆ្នាំ២០១៨ និងលើកទិសដៅផែនការសហប្រតិបត្តិការឆ្នាំ២០១៩ ព្រមទាំងជួយបណ្តុះបណ្តាលផ្នែកបច្ចេកទេស និងផ្តល់សម្ភារដល់ក្រុមការងារអក្សរសម្ងាត់នៃអគ្គស្នងការនគរបាលជាតិផងដែរ។
សូមបញ្ជាក់ថា ពិធីចុះហត្ថលេខាផែនការសហប្រតិបត្តិការឆ្នាំ២០១៩ លើវិស័យអក្សរសម្ងាត់ រវាងក្រសួងមហាផ្ទៃ នៃព្រះរាជាណាចក្រកម្ពុជា ជាមួយគណៈអក្សរសម្ងាត់រដ្ឋាភិបាល នៃសាធារណរដ្ឋសង្គមនិយមវៀតណាមនេះ គឺជាការចុះហត្ថលេខាព្រមព្រៀងគ្នារវាងអគ្គស្នងការនគរបាលជាតិកម្ពុជា និងគណៈអក្សរសម្ងាត់រដ្ឋាភិបាលវៀតណាម៕មុនីរម្យ
ដោយ៖ នាយកដ្ឋានព័ត៌មានវិទ្យា
