រសៀលថ្ងៃពុធ ៨រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៧ ខែកុម្ភៈ ឆ្នាំ២០១៩ ឯកឧត្តម នាយឧត្តមសេនីយ៍ ជា សុគន្ធា អគ្គលេខាធិការរង នៃអគ្គលេខាធិការដ្ឋានក្រសួងមហាផ្ទៃ បានអញ្ជើញជាអធិបតី ដឹកនាំកិច្ចប្រជុំត្រៀមរៀបចំគម្រោងផែនការនិងក្រុមពិធីការ ដើម្បីត្រៀមទទួលគណៈប្រតិភូប្រទេសឡាវ ក្នុងកិច្ចប្រជុំស្តីពីកិច្ចសហប្រតិបត្តិការសម្រាប់ឆ្នាំ២០១៩ រវាងក្រសួងមហាផ្ទៃកម្ពុជា និងក្រសួងសន្តិសុខសាធារណៈឡាវ នៅព្រះរាជាណាចក្រកម្ពុជា នាទីស្តីការក្រសួង។
សូមបញ្ជាក់ផងដែរថា គណៈប្រតិភូជាន់ខ្ពស់ ដែលដឹកនាំដោយ ឯកឧត្តម ឧត្តមសេនីយ៍ឯក វិល័យ ឡាខាំហ្វង រដ្ឋមន្ត្រីក្រសួងសន្តិសុខសាធារណៈឡាវ នឹងអញ្ជើញមកបំពេញទស្សនកិច្ចផ្លូវការ នៅព្រះរាជាណាចក្រកម្ពុជា ដើម្បីវាយតម្លៃលទ្ធផលកិច្ចសហប្រតិបត្តិការសម្រាប់ឆ្នាំ២០១៨ និងពិនិត្យពិភាក្សាចុះហត្ថលេខាលើកំណត់ហេតុ ស្តីពីកិច្ចសហប្រតិបត្តិការសម្រាប់ឆ្នាំ២០១៩ រវាងក្រសួងទាំងពីរ ចាប់ពីថ្ងៃទី០៣-០៧ ខែមីនា ឆ្នាំ២០១៩៕មុនីរម្យ
ដោយ៖ នាយកដ្ឋានព័ត៌មានវិទ្យា
