ព្រឹកថ្ងៃពុធ ០៨រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៧ ខែកុម្ភៈ ឆ្នាំ២០១៩ នៅសាលប្រជុំអគ្គាធិការដ្ឋាន ឯកឧត្តម អ៉ីវ លាង អគ្គាធិការ នៃអគ្គាធិការដ្ឋានក្រសួងមហាផ្ទៃ បានដឹកនាំកិច្ចប្រជុំពិភាក្សាស្តីពី សំណើរសុំគោលការណ៍ធ្វើអធិការកិច្ច កិច្ចការរដ្ឋបាល នគរបាល និងពន្ធនាគារ តាមផែនការសម្រាប់ឆ្នាំ២០១៩ របស់អគ្គាធិការដ្ឋាន ដោយមានការអញ្ជើញចូលរួមមាន ឯកឧត្តម លោកជំទាវ អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ។ កិច្ចប្រជុំធ្វើឡើងក្នុងគោលបំណង ដើម្បីចូលរួមអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាល ដែលស្របតាមទិសដៅការងារអធិការកិច្ចរបស់ក្រសួងមហាផ្ទៃឆ្នាំ២០១៩ និងអនុលោមតាមតួនាទី ភារកិច្ចរបស់ខ្លួនផងដែរ៕ គឹមអាន