នៅព្រឹកថ្ងៃចន្ទ ០៦រោច ខែមាឃ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែកុម្ភៈ ឆ្នាំ២០១៩ ឯកឧត្តម ឧត្តមសេនីយ៍ឯក សំ បូរ អគ្គាធិការរង តំណាងឯកឧត្តម អ៉ីវ លាង អគ្គាធិការ នៃអគ្គាធិការដ្ឋានក្រសួងមហាផ្ទៃ បានអញ្ជើញជាអធិបតីក្នុងពិធីបើកចុះធ្វើអធិការកិច្ច នៅនាយកដ្ឋាននគរបាលការពារព្រំដែនទឹក នៃអគ្គស្នងការនគរបាលជាតិ ក្រសួងមហាផ្ទៃ ។ ក្នុងពិធីនេះដែរក៏មានការអញ្ជើញចូលរួមមាន ឯកឧត្តម ឧត្តមសេនីយ៍ អគ្គាធិការរង ប្រធាននាយកដ្ឋាន មន្ត្រីជំនាញ និងឯកឧត្តម ឧត្តមសេនីយ៍ អគ្គស្នងការរងនគរបាលជាតិ ប្រធាននាយកដ្ឋាន និងមន្ត្រីក្រោមចំនុះនាយកដ្ឋានជាច្រើនផងដែរ។
គួរបញ្ជាក់ដែរថា ការចុះធ្វើអធិការកិច្ចនេះ គឺផ្តោតលើខ្លឹមសារមួយចំនួនរួមមាន៖ ១-ការចាត់តាំងអនុវត្តគោលនយោបាយ ច្បាប់ និងលិខិតបទដ្ឋាននានា, ២-ការអនុវត្តតួនាទី ភារកិច្ច រចនាសម្ព័ន្ធ របៀបរបបការងារ, ៣-ការគ្រប់គ្រងមន្រ្តីក្រោមឱវាទ, ៤- ការគ្រប់គ្រង ការចរាចរលិខិត និងឯកសារផ្សេងៗ៕ គឹមអាន
ប្រភព៖ អគ្គាធិការដ្ឋាន