នៅព្រឹកថ្ងៃចន្ទ ១៤កេីត ខែមាឃ ឆ្នាំច សំរឹទ្ធិ ព.ស២៥៦២ ត្រូវនឹងថ្ងៃទី១៨ ខែកុម្ភៈ ឆ្នាំ២០១៩ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មាធិការជាតិដឹកនាំតម្រង់ទិស ការងារអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម (គ.ជ.ដ.អ) បានអញ្ជេីញជាអធិបតីដ៏ខ្ពង់ខ្ពស់ដឹកនាំកិច្ចប្រជុំសាមញ្ញលេីកទី៣ របស់គណៈកម្មាធិការជាតិដឹកនាំតម្រង់ ទិសការងារអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នាទីស្តីការក្រសួងមហាផ្ទៃ។
គោលបំណងនៃកិច្ចប្រជុំលេីកទី៣នេះ ដើម្បីត្រួតពិនិត្យខ្លឹមសារ និងឯកសារដូចខាងក្រោម៖
១. អនុម័តកំណត់ហេតុអង្គប្រជុំលើកទី២ របស់ គ.ជ.ដ.អ
២. ស្តាប់របាយការណ៍ប្រចាំឆ្នាំ ២០១៨ ស្ដីពីវឌ្ឍនភាពនៃការអនុវត្តផែនការយុទ្ធសាស្រ្តជាតិស្តីពីអត្តសញ្ញាណកម្ម ឆ្នាំ២០១៧-២០២៦
៣. ស្ដាប់របាយការណ៍ ស្ដីពីការវាយតម្លៃការអនុវត្តសាកល្បងច្រកចេញចូលតែមួយ សេវាអត្តសញ្ញាណកម្មនៅសាលាឃុំ សង្កាត់នៅខេត្តកំពត (៥សង្កាត់) និងកែប (៣សង្កាត់) និង២ឃុំ
៤. ស្តាប់របាយការណ៍សង្ខេប ស្តីពីវឌ្ឍនភាពនៃការរៀបចំសេចក្តីព្រាងច្បាប់ស្តីពីអត្រានុកូលដ្ឋានស្ថិតិអត្រានុកូលដ្ឋាន និងអត្តសញ្ញាណកម្ម
៥.ពិភាក្សាបញ្ហាផ្សេងៗ៕ មុនីរម្យ
ដោយ៖ នាយកដ្ឋានព័ត៌មានវិទ្យា
