អគ្គលេខាធិការដ្ឋាន បើកកិច្ចប្រជុំ ដើម្បីត្រៀមរៀបចំសន្និបាតបូកសរុបលទ្ធផលការងារឆ្នាំ២០១៨របស់ក្រសួងមហាផ្ទៃ
រសៀលថ្ងៃសុក្រ ៥រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៥ ខែមករា ឆ្នាំ២០១៩ ឯកឧត្តម នាយឧត្តមសេនីយ៍ សូ វ៉ាន់ទី អគ្គលេខាធិការរង នៃអគ្គលេខាធិការដ្ឋាន ក្រសួងមហាផ្ទៃ បានអញ្ជើញជាអធិបតីដឹកនាំកិច្ចប្រជុំអនុគណៈកម្មការពិធីការ និងកិច្ចការរដ្ឋបាល ដើម្បីត្រៀមរៀបចំផែនការការងារសម្រាប់រៀបចំសន្និបាតបូកសរុបលទ្ធផលការងារឆ្នាំ២០១៨ និងទិសដៅការងារឆ្នាំ២០១៩ របស់ក្រសួងមហាផ្ទៃ និងលទ្ធផលការងារប្រឡងប្រណាំងអនុវត្តគោលនយោបាយភូមិ ឃុំមានសុវត្ថិភាព នាពេលខាងមុខនៅទីស្តីការក្រសួង។ ក្នុងកិច្ចប្រជុំនេះក៏មានការចូលរួមពី ឯកឧត្តម អគ្គលេខាធិការរង ប្រធាននាយកដ្ឋាន អនុប្រធាននាយកដ្ឋាន និងនាយការិយាល័យក្រោមចំណុះអគ្គលេខាធិការដ្ឋានផងដែរ៕គឹមអាន
ដោយ៖ នាយកដ្ឋានព័ត៌មានវិទ្យា
