ព្រឹកថ្ងៃសុក្រ ០៥រោច ខែបុស្ស ឆ្នាំច សំរឹទ្ធសក័ ព.ស ២៥៦២ ត្រូវនឹងថ្ងៃទី២៥ ខែមករា ឆ្នាំ២០១៩ ឯកឧត្តម អង មង្គល រដ្ឋលេខាធិការ ក្រសួងមហាផ្ទៃ អញ្ជើញជាអធិបតីក្នុងពិធីបិទការងារអធិការកិច្ច កិច្ចការរដ្ឋបាល នគរបាល និងពន្ធនាគារនៅខេត្តកំពង់ស្ពឺ ដែលប្រព្រឹត្តទៅនៅសាលប្រជុំសាលាខេត្តកំពង់ស្ពឺ ក្នុងគោលបំណង ការចាត់តាំងអនុវត្តគោលនយោបាយ ច្បាប់ និងលិខិតបទដ្ឋាននានា, ការអនុវត្តតួនាទី ភារកិច្ច រចនាសម្ព័ន របៀបរបបការងារ និងទំនាក់ទំនងការងារ, ការគ្រប់គ្រងមន្ត្រីរាជការ មន្ត្រីនគរ បាលជាតិ, ការគ្រប់គ្រងចរាចរលិខិត និងឯកសារនានា, ការគ្រប់គ្រងថវិកា និងទ្រព្យសម្បត្តិរដ្ឋ។
សូមជំរាបជូនដែរថា ក្នុងពិធីនោះមានការអញ្ជើញចូលរួមនាឱកាសនោះមាន ឯកឧត្តម អុីវ លាង អគ្គាធិការ នៃអគ្គាធិការដ្ឋានក្រសួងមហាផ្ទៃ ឯកឧត្តមប្រធានក្រុមប្រឹក្សាខេត្ត ឯកឧត្តម អភិបាល នៃគណៈអភិបាលខេត្ត ឯកឧត្តម លោកជំទាវ អគ្គាធិការរង ស្នងការ ស្នងការរង អភិបាលស្រុក អធិការស្រុកនិងអស់លោក លោកស្រី ក្រុមប្រឹក្សាឃុំ សង្កាត់ជាច្រើនរូបទៀត។ ព្រមជាមួយគ្នានោះដែរក៏មានការប្រគល់សេចក្តីជូនដំណឹង(សជណ) របស់ក្រសួងមហាផ្ទៃ ជូនរដ្ឋបាលខេត្ត , ស្នងការដ្ឋាននគរបាលខេត្ត និងពន្ធនាគារខេត្តយកទៅអនុវត្តផងដែរ៕
ប្រភព៖អគ្គាធិការដ្ឋាន