នារសៀលថ្ងៃពុធ ៥ កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៤ ខែកុម្ភៈ ឆ្នាំ២០២៤ ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ ឯកឧត្តម អគ្គនាយករងអន្តោប្រវេសន៍ លោក លោកស្រីប្រធាននាយកដ្ឋានពាក់ព័ន្ធ បានទទួលជួបពិភាក្សាការងារជាមួយលោកស្រី AMY L.SHUMAN ប្រធានសេនាអនុព័ន្ធផ្នែកច្បាប់ និងលោកស្រី Kathleen Nicolls អនុប្រធានសេនាអនុព័ន្ធផ្នែកច្បាប់ អមស្ថានទូតសហរដ្ឋអាមេរិក ប្រចាំព្រះរាជាណាចក្រកម្ពុជា ខណៈពេលដែលលោកស្រីអនុប្រធានសេនានុព័ន្ធចប់អាណត្តិបេសកកម្មការងារនៅកម្ពុជា។ ក្នុងជំនួបពិភាក្សានេះតំណាងសេនានុព័ន្ធបានថ្លែងអំណរគុណអគ្គនាយកដ្ឋានអន្តោប្រវេសន៍ សម្រាប់កិច្ចសហការល្អក្នុងការអនុវត្តច្បាប់នាពេលកន្លងមកសំដៅទប់ស្កាត់ជនល្មើស និងបានបញ្ជាក់ពីគោលជំហរក្នុងការបន្តកិច្ចសហការទៅវិញទៅមក ដោយផ្អែកលើកិច្ចព្រមព្រៀងដែលនៅបន្តអនុវត្ត ៕
ដោយនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ
