នៅព្រឹកថ្ងៃពុធ ៦រោច ខែផល្គុន ឆ្នាំរកា ព.ស ២៥៦១ ត្រូវនឹងថ្ងៃទី០៧ ខែមីនា ឆ្នាំ២០១៨ នៅទីស្តីការក្រសួងមហាផ្ទៃ ឯកឧត្តម សន្តិបណ្ឌិត អ៊ុក គឹមលេខ រដ្ឋលេខាធិការក្រសួងមហាផ្ទៃ និងជាប្រធានក្រុមការងារអន្តរក្រសួង បានអញ្ជើញជាអធិបតី ដឹកនាំប្រជុំក្រុមការងារដើម្បីពិភាក្សាលើកទីពីរនៃក្រុមបច្ចេកទេសអ្នកច្បាប់។ ក្នុងកិច្ចប្រជុំពិភាក្សានេះ ឯកឧត្តម ទួន ស៊ីផាន់ ប្រធានក្រុមការងារបច្ចេកទេស ក៏បានធ្វើសេចក្តីរាយការណ៍ អំពីលទ្ធផលពិនិត្យពិភាក្សា លើសេចក្តីព្រាងបឋម គោរពជូន ឯកឧត្តម ប្រធាន និងសមាជិកនៃអង្គប្រជុំលើសេចក្តីព្រាងច្បាប់ ស្តីពីអន្តោប្រវេសន៍ និងលិខិតបទដ្ឋានគតិយុត្តិពាក់ព័ន្ធ៕
ឯកឧត្តម សន្តិបណ្ឌិត អ៊ុក គឹមលេខ បានមានប្រសាសន៍ថា នៅពេលប្រជុំលើកក្រោយ និងមានវត្តមានដ៏ខ្ពង់ខ្ពស់របស់សម្តេចក្រឡាហោម ស ខេង ក្នុងការដឹកនាំ និងសម្រេចបញ្ចប់នូវសេចក្តីព្រាងច្បាប់ ស្តីពីអន្តោប្រវេសន៍ និងលិខិតបទដ្ឋានគតិយុត្តិពាក់ព័ន្ធនេះ៕