កិច្ចប្រជុំលើកទីពីររបស់គណៈកម្មាធិការរៀបចំសន្និបាតត្រួតពិនិត្យលទ្ធផលការងារឆ្នាំ២០១៧ និងទិសដៅការងារឆ្នាំ២០១៨ របស់ក្រសួងមហាផ្ទៃ
នាព្រឹកថ្ងៃអង្គារ ៥រោច ខែផល្គុន ឆ្នាំរកា ព.ស ២៥៦១ ត្រូវនឹងថ្ងៃទី០៦ ខែមីនា ឆ្នាំ២០១៨ នៅទីស្តីការក្រសួងមហាផ្ទៃ ឯកឧត្តម ព្រុំ សុខា រដ្ឋមន្ត្រីស្តីទី ក្រសួងមហាផ្ទៃ បានអញ្ជើញជាអធិបតី ដឹកនាំកិច្ចប្រជុំពិភាក្សាលើកទីពីរនៃគណៈកម្មាធិការ រៀបចំអង្គសន្និបាត ដើម្បីពិនិត្យនិងកែសម្រួល សេចក្តីព្រាងរបាយការណ៍ តារាងកម្មវិធីបែងចែកក្រុមប្រឹក្សា ការណែនាំសម្រាប់ការពិភាក្សាប្រធានបទក្នុងសន្និបាត និងវិន័យសណ្តាប់ធ្នាប់ ដើម្បីរៀបចំអង្គសន្និបាតត្រួតពិនិត្យការងារឆ្នាំ២០១៧ និងទិសដៅការងារឆ្នាំ២០១៨ របស់ក្រសួងមហាផ្ទៃ ដែលនឹងប្រព្រឹត្តទៅនៅថ្ងៃទី២១-២២ ខែមីនា ឆ្នាំ២០១៨ខាងមុខនេះ ៕
