នារសៀលថ្ងៃទី០៩ ខែសីហា ឆ្នាំ២០២១នេះ តាមប្រព័ន្ធវិដេអូសន្និសីទ ក្រសួងមហាផ្ទៃ បានបើកកិច្ចប្រជុំពិនិត្យពិភាក្សាលើការរៀបចំផែនការមេបច្ចេកវិទ្យាគមនាគមន៍ និងព័ត៌មានក្រសួងមហាផ្ទៃ ក្រោមអធិបតីភាព ឯកឧត្តម សក់ សេដ្ឋា រដ្ឋលេខាធិការប្រចាំការក្រសួងមហាផ្ទៃ និងជាប្រធានក្រុមការងារ។
ក្នុងកិច្ចប្រជុំនារសៀលនេះ ក៏មានការចូលរួមពី រដ្ឋលេខាធិការ, អគ្គលេខាធិការ អគ្គលេខាធិការរងនៃអគ្គលេខាធិការដ្ឋាន, អគ្គាធិការរង, អគ្គនាយករង នៃអគ្គនាយកដ្ឋានពាក់ព័ន្ធចំណុះក្រសួងមហាផ្ទៃ ព្រមទាំងមន្ត្រីជំនាញជាច្រើនរូបផ្សេងទៀតផងដែរ។
គួររំលឹកផងដែរថា កាលពីថ្ងៃទី១៥ ខែមិថុនា ឆ្នាំ២០២១ ក្រសួងមហាផ្ទៃ បានចេញសេចក្តីសម្រេចបង្កើតក្រុមការងាររដ្ឋាភិបាលឌីជីថល បច្ចេកវិទ្យាគមនាគមន៍ និងព័ត៌មាន ក្រសួងមហាផ្ទៃ ដែលមានសមាសភាពជាអនុប្រធានចំនួន ០២រូប ព្រមទាំងសមាជិក១២រូប ហើយមានលេខាធិការដ្ឋានមួយជាជំនួយការដែលដឹកនាំដោយនាយកដ្ឋានព័ត៌មានវិទ្យា នៃអគ្គលេខាធិការដ្ឋាន ក្រសួងមហាផ្ទៃ៕
ដោយ៖ នាយកដ្ឋានព័ត៌មានវិទ្យា