ក្រុមការងារឧក្រិដ្ឋកម្មឆ្លងដែនកម្ពុជា ផែនការងារប្រឆាំងការជួញដូរមនុស្ស ចូលរួមកិច្ចប្រជុំប្រធានអង្គភាពជំនាញអាស៊ាន លើកទី៣៥ ស្ដីពីការប្រឆាំងការជួញដូរមនុស្ស
នៅទីស្ដីការក្រសួងមហាផ្ទៃ នាព្រឹកថ្ងៃទី២៦ ខែកក្កដា ឆ្នាំ២០២១នេះ ក្រុមការងារឧក្រិដ្ឋកម្មឆ្លងដែន (SOMTC) កម្ពុជា ផែនការងារប្រឆាំងការជួញដូរមនុស្ស ចូលរួមកិច្ចប្រជុំប្រធានអង្គភាពជំនាញអាស៊ាន (HSU) លើកទី៣៥ ស្ដីពីការប្រឆាំងការជួញដូរមនុស្ស តាមរយៈប្រព័ន្ធវីដេអូសន្និសីទ ជាមួយបណ្ដាប្រទេសជាសមាជិកអាស៊ាន។ ក្រុមការងារSOMTCកម្ពុជាចូលរួមកិច្ចប្រជុំនាថ្ងៃនេះ ដឹកនាំដោយឯកឧត្តម ឧត្តមសេនីយ៍ឯក សុខ រស្មី សមាជិកក្រុមការងារSOMTCកម្ពុជា និងជាមន្ត្រីបង្គោលនៃផែនការងារ ដោយមានការចូលរួមពីមន្ត្រីជំនាញពាក់ព័ន្ធផងដែរ។
គួរជម្រាបថា កិច្ចប្រជុំលើកទី៣៥នេះ ដឹកនាំដោយប្រទេសព្រុយណេ ហើយបណ្ដាប្រទេសអាស៊ានដែលចូលរួមក្នុងថ្ងៃនេះ បានធ្វើបទបង្ហាញស្ដីពីការអនុវត្តការងាររបស់ខ្លួន ក៏ដូចជារួមគ្នាពិនិត្យលើសេចក្ដីព្រាងផែនការការងារសម្រាប់ឆ្នាំ២០២១-២០២២ផងដែរ៕
ដោយ៖ នាយកដ្ឋានព័ត៌មានវិទ្យា
