ក្រសួងមហាផ្ទៃ ចេញសេចក្ដីជូនដំណឹងអនុញ្ញាតឱ្យបង្កើតគណបក្សកម្ពុជានិយម តែត្រូវរៀបចំបែបបទស្នើសុំចុះបញ្ជីស្របតាមច្បាប់ស្ដីពីគណបក្សនយោបាយជាមុនសិន
នៅថ្ងៃទី២៣ ខែកក្កដា ឆ្នាំ២០២១នេះ ក្រសួងមហាផ្ទៃ សម្រេចអនុញ្ញាតឲ្យបង្កើត «គណបក្សកម្ពុជានិយម» ដែលសរសេរ ជាអក្សរកាត់ «ប.ក» ដោយមានអាសយដ្ឋាន នៃទីស្នាក់ការកណ្ដាល ស្ថិតនៅបុរីពិភពថ្មីកួរស្រូវ៣ ផ្ទះលេខ៥២-៥៤ ផ្លូវបេតុង៩ម៉ែត្រ ភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ។
ដូច្នេះ ដើម្បីទទួលបានសុពលភាព និងអាចធ្វើសកម្មភាពបានដោយស្របច្បាប់ក្នុងឋានៈជានីតិបុគ្គល នៅក្នុងរយៈពេល១៨០ (មួយរយប៉ែតសិប)ថ្ងៃបន្ទាប់ពីបានបង្កើតរួចហើយ គណបក្សកម្ពុជានិយម ត្រូវរៀបចំបែបបទ និងបំពេញលក្ខខណ្ឌស្នើសុំចុះបញ្ជីនៅក្រសួងមហាផ្ទៃ ស្របតាមកថាខណ្ឌទី២ មាត្រា៩ មាត្រា១៨ថ្មី មាត្រា១៩ថ្មី និងមាត្រា២០ នៃច្បាប់ស្តីពីគណបក្សនយោបាយ៕
ដោយ ៖ នាយកដ្ឋានព័ត៌មានវិទ្យា
