រាជរដ្ឋាភិបាល សម្រេចឲ្យមន្រ្តី បុគ្គលិកស្ថាប័នរដ្ឋទាំងអស់ឈប់សម្រាកក្នុងឱកាសពិធីបុណ្យចូលឆ្នាំខ្មែរប្រពៃណីជាតិ ប៉ុន្តែត្រូវអនុវត្តវិធានសុខាភិបាល
រាជរដ្ឋាភិបាល បានចេញសារាចរណែនាំស្ដីពី ការឈប់សម្រាកក្នុងពិធីបុណ្យចូលឆ្នាំខ្មែរប្រពៃណីជាតិ ចាប់ពីថ្ងៃទី១៤ ដល១៦ ខែមេសា ឆ្នាំ២០២១ខាងមុខ ប៉ុន្តែចាំបាច់ត្រូវអនុវត្តវិធានការបង្ការ និងទប់ស្កាត់ការរាតត្បាតនៃជំងឺកូវីដ-១៩ នៅក្នុងឱកាសថ្ងៃឈប់សម្រាកនេះ។
តាមរយៈសារាចរណែនាំនេះ បានសង្កត់ធ្ងន់ និងបានដាក់ចេញនូវវិធានមួយចំនួនដែលចាំបាច់ត្រូវតែអនុវត្តនៅក្នុងបរិការណ៍នៃ “ព្រឹត្តិការណ៍សហគមន៍ ២០ កុម្ភៈ ២០២១» ដែលប្រទេសជាតិបាននឹងកំពុងបន្តជួបប្រឈមហានិភ័យខ្ពស់ នៃការឆ្លងរាលដាលជំងឺកូវីដ-១៩ និងក្នុងគោលបំណងធានាការពារអាយុជីវិតរបស់ប្រជាពលរដ្ឋ សុខភាពសាធារណៈ និងសណ្តាប់ធ្នាប់សាធារណៈ ព្រមទាំងកាត់បន្ថយឱ្យបានជាអតិបរមានូវផលប៉ះពាល់នៃការឆ្លងរាលដាលជំងឺនេះ ចំពោះវិស័យសង្គម និងសេដ្ឋកិច្ចនៅក្នុងព្រះរាជាណាចក្រកម្ពុជា៕
ដោយ៖ នាយកដ្ឋានព័ត៌មានវិទ្យា
