រាជធានីភ្នំពេញ៖ នាថ្ងៃទី០៩ ខែកុម្ភៈ ឆ្នាំ២០២១ សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបិទកិច្ចប្រជុំក្រុមប្រឹក្សាជាតិ និងគណៈកម្មាធិការប្រតិបត្តិជាតិ លើកទី២ អាណត្តិទី២ របស់សមាគមជាតិក្រុមប្រឹក្សារាជធានី-ខេត្តដោយមានការចូលរួមមពី តំណាងថ្នាក់ដឹកនាំជាន់ខ្ពស់ព្រឹទ្ធសភា រដ្ឋសភា ក្រសួង ស្ថាប័នសមាគមជាតិ ក្រុមប្រឹក្សារាជធានី-ខេត្ត គណៈអភិបាលរាជធានី-ខេត្ត ដៃគូអភិវឌ្ឍន៍ ព្រមទាំងអង្គការសង្គមស៊ីវិលផងដែរ។
សូមជម្រាបថា សមាជិកក្រុមប្រឹក្សារាជធានី-ខេត្ត អាណត្តិទី៣ (២០១៩-២០២៤) មានចំនួនសរុប ៥៥៩រូប (ស្រ្តី ៩៥រូប) មកពីគណបក្សប្រជាជនកម្ពុជាចំនួន ៥៥០រូប គណបក្សហ៊្វុនស៊ិនប៉ិច ០៣រូប និងគណបក្សខ្មែររួបរួមជាតិ ០៦រូប។
សមាគមជាតិត្រូវបានបង្កើតជា «នីតិបុគ្គល» ធ្វើជាតំណាងឱ្យក្រុមប្រឹក្សារាជធានី-ខេត្ត ក្នុងគោលបំណងចំនួន៣ ដូចបានកំណត់ក្នុងលក្ខន្តិកៈខាងក្រោមនេះ៖
ទី១៖ លើកកម្ពស់ឋានៈ និងអភិវឌ្ឍន៍សមត្ថភាពដល់ក្រុមប្រឹក្សារាជធានី-ខេត្ត
ទី២៖ ការពារផលប្រយោជន៍ និងគុណប្រយោជន៍ស្របច្បាប់របស់សមាជិក
ទី៣៖ កសាងភាពជាដៃគូជាមួយក្រសួង ស្ថាប័នពាក់ព័ន្ធ ដើម្បីអភិវឌ្ឍមូលដ្ឋានពង្រឹងនីតិរដ្ឋ និងជំរុញលទ្ធិប្រជាធិបតេយ្យនៅកម្ពុជា៕
ដោយ៖ នាយកដ្ឋានព័ត៌មានវិទ្យា
