ព្រឹកថ្ងៃសៅរ៍ទី៦ ខែកុម្ភៈ ឆ្នាំ២០២១ នេះ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន និងជាអនុប្រធានក្រុមការងាររាជរដ្ឋាភិបាលចុះជួយស្រុកបាភ្នំ ដឹកនាំកិច្ចប្រជុំបូកសរុបលទ្ធផលការងារឆ្នាំ២០២០ និងទិសដៅការងារ២០២១របស់ក្រុមការងាររាជរដ្ឋាភិបាលចុះជួយឃុំបឹងព្រះ។ កិច្ចប្រជុំនេះក៏មានការអញ្ជើញចូលរួមពី ឯកឧត្តម លោក លោកស្រី ជាប្រធាន អនុប្រធាន សមាជិកក្រុមការងារចុះជួយ ឃុំ សមាជិកក្រុមប្រឹក្សាស្រុក មេឃុំ ក្រុមប្រឹក្សាឃុំ ប្រធានមណ្ឌលសុខភាព មេភូមិ និងអាជ្ញាធរពាក់ព័ន្ធ។
ឯកឧត្តម ថ្លែងការអរគុណ កោតសរសើរក្រុមការងារ និងក្រុមការងារមូលដ្ឋានដែលខិតខំប្រឹងប្រែងបំពេញការងារបានល្អ និងស្នើបន្តការងារនេះកាន់តែប្រសើរថែមទៀតក្នុងឆ្នាំថ្មី។ បន្ទាប់មក ឯកឧត្តម បានលើកឡើង និងណែនាំកិច្ចការមួយចំនួនពាក់ព័ន្ធបញ្ហាសន្តិសុខ សេវាសាធារណៈ សុខាភិបាល អប់រំ កសិកម្ម សង្គមកិច្ច អត្តសញ្ញាណជនក្រីក្រ បច្ចុប្បន្នភាពទៅនឹងសភាពការទូទៅ និងទិសដៅបន្តសម្រាប់ឆ្នាំ២០២១៕
ប្រភព៖ អគ្គាធិការដ្ឋាន
