សម្តេចក្រឡាហោម ស ខេង នាយករដ្ឋមន្ត្រីស្តីទី បានអញ្ជើញចូលរួមអមព្រះរាជដំណើរព្រះករុណា ព្រះបាទសម្តេចបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជពិធីពន្លត់ភ្លើងជ័យនៅវិមានឯករាជ្យ ខួបអនុស្សាវរីយ៍លើកទី៦៤ នៃទិវាបុណ្យឯករាជ្យជាតិ ៩ វិច្ឆិកា
រសៀលថ្ងៃទី១១ ខែវិច្ឆិកា ឆ្នាំ២០១៧ សម្តេចក្រឡាហោម ស ខេង នាយករដ្ឋមន្រ្តីស្តីទី បានអញ្ជើញចូលរួមអមព្រះរាជដំណើរ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ស្តេចយាងពន្លត់ភ្លើងជ័យ និងដឹកនាំគណៈប្រតិភូក្រសួងមហាផ្ទៃ ទាំងកងកម្លាំងនិងមន្ត្រីរដ្ឋបាលស៊ីវិលចំនួន ៥០រូប ដើម្បីចូលរួមដង្ហែអមដំណើរព្រះមហាក្សត្រក្នុងពិធីពន្លត់ភ្លើងជ័យនៅវិមានឯករាជ្យ នៃខួបអនុស្សាវរីយ៍លើកទី៦៤ នៃទិវាបុណ្យឯករាជ្យជាតិ ៩ វិច្ឆិកា ឆ្នាំ២០១៧។ ក្នុងពិធីបុណ្យទិវាឯករាជ្យជាតិ ៩ វិច្ឆិកា ឆ្នាំ២០១៧នេះ មានការចូលរួមពីថ្នាក់ដឹកនាំកំពូលនៃប្រទេសកម្ពុជា និងបណ្តាស្ថាប័នរដ្ឋទាំងអស់ ស្ថានទូតនានា អាជ្ញាធរ កងកម្លាំង មន្ត្រីស៊ីវិលគ្រប់លំដាប់ថ្នាក់ សិស្សានុសិស្ស ប្រជាពលរដ្ឋ
