ព្រឹកថ្ងៃអង្គារ ទី០៣ ខែវិច្ឆិកា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំពិភាក្សារបាយការណ៍លទ្ធផលចុះអង្កេតស្រាវជ្រាវករណីជនបរទេស គោរពស្នើសុំ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាជួយស្វែងរកយុត្តិធម៌ និងចាត់វិធានការផ្លូវច្បាប់ ដោយប្តឹងចោទប្រកាន់ទៅលើ មន្ត្រីនគរបាល នៃស្នងការដ្ឋាននគរបាលខេត្តមួយ ថាបានប្រើប្រាស់តួនាទី និងភារកិច្ចជាមន្ត្រីនគរបាលជាតិផ្ទុយពីច្បាប់ក្នុងការបំពេញភារកិច្ចការងារ ដើម្បីធ្វើការដកហូតដោយខុសច្បាប់យកប្រាក់របស់ពួកគាត់ មកធ្វើជាប្រយោជន៍ផ្ទាល់ខ្លួន។
កិច្ចប្រជុំនេះប្រព្រឹត្តទៅនៅសាលប្រជុំរបស់អគ្គាធិការដ្ឋាន និងមានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន