នៅថ្ងៃទី២៤ ខែតុលា ឆ្នាំ២០២០នេះ ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកឯកភ្នំ បានអញ្ជើញចុះសួរសុខទុក្ខ និងនាំយកអំណោយដ៏ថ្លៃថ្លារបស់សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្ត្តបាត់ដំបង និងលោកជំទាវ ចែកជូនដល់ប្រជាពលរដ្ឋក្នុងស្រុកឯកភ្នំ ខេត្តបាត់ដំបង ដែលរងគ្រោះដោយសារទឹកជំនន់។

      ក្នុងឱកាសនោះក៏មានការអញ្ជើញចូលរួមពី សមាជិក សមាជិការក្រុមការងាររាជរដ្ឋាភិបាលចុះជួយមូលដ្ឋានស្រុកឯកភ្នំ និងអាជ្ញាធរមូលដ្ឋានគ្រប់ជាន់ថ្នាក់ ព្រមទាំងប្រជាពលរដ្ឋជាច្រើនរូបផងដែរ។

      សូមជម្រាបថា អំណោយជាសម្ភារ ព្រមទាំងគ្រឿងបរិភោគឧបភោគ ដែលបាននាំយកមកចែកជូនប្រជាពលរដ្ឋនៅស្រុកឯកភ្នំនៅពេលនេះរួមមាន៖ ថ្នាំពេទ្យ តង់កៅស៊ូ និងគ្រឿងឧបភោគ បរិភោគមួយចំនួនផងដែរ៕

ប្រភព៖ អគ្គនាយកដ្ឋានភស្តុភារ និងហិរញ្ញវត្ថុ