នាព្រឹកថ្ងៃព្រហស្បតិ៍ ទី២២ ខែតុលា ឆ្នាំ២០២០នេះ ឯកឧត្តម រាជ សុភទ្ទ អនុរដ្ឋលេខាធិការក្រសួងមហា ផ្ទៃ បានអនុញ្ញាតឲ្យ សមាគមអ្នកប្រើប្រាស់យោបល់គ្រឿងសម្អាង (CCA) ,សមាគមកសិកម្មកម្ពុជាការ ពារសិទ្ធិអ្នកប្រើប្រាស់ និងក្រុមអាជីវករ ចូលជួបសម្ដែងការគួរសម និងពិភាក្សាការងារ នៅទីស្ដីការក្រ សួងមហាផ្ទៃ។
ក្រោយបញ្ចប់ជំនួបពិភាក្សាការងាររួច ក្រុមសមាគម និងក្រុមអាជីវករ ក៏បានប្រគល់សម្ភារ គ្រឿនបរិភោគ ឧបភោគ និងថវិកាសម្រាប់ចូលរួមជួយសង្គ្រោះប្រជាពលរដ្ឋដែលរងគ្រោះដោយទឹកជំនន់ជាមួយក្រសួងមហាផ្ទៃ រួមមាន ៖ អង្ករ២តោន, ជែលលាងដៃ ចំនួន៥០ដប, អាកុលដបធំ ចំនួន១១១ដប, អាកុលតូចចំនួន ៤៤៤ដប, ថ្នាំដុសធ្មេញ ចំនួន២០០ដើម, ក្រមា ចំនួន៣៣៣, ទឹកបរិសុទ្ធ ចំនួន១០០កេស, ទឹកស៊ីអ៊ីវ ចំនួន៥០យួរ, ទឹកត្រី ចំនួន៩៤យួរ, អាវរងា ចំនួន១១០អាវ, ថ្នាំពេទ្យ និងថវិកាមួយចំនួនទៀត។
នាឱកាសនោះ ឯកឧត្តម រាជ សុភទ្ទ អនុរដ្ឋលេខាធិការក្រសួងមហាផ្ទៃ បានលើកឡើងថា សម្ភារ និងថវិកាដែលប្រគល់ជូនមកក្រសួងមហាផ្ទៃនាពេលព្រឹកនេះ នឹងយកចែកជូនប្រជាពលរដ្ឋ នៅឃុំអំពិលប្រាំដើម ស្រុកបវេល ខេត្តបាត់ដំបង ក្នុងពេលដែលប្រជាពលរដ្ឋកំពុងតែទទួលរងគ្រោះជំនន់ទឹកភ្លៀង។
ឯកឧត្តម ក៏បានកោតសសើរ និងសូមអរគុណចំពោះ ក្រុមសមាគម និងក្រុមអាជីវករ ដែលបានយកសម្ភារ គ្រឿងបរិភោគ បរិភោគផ្សេងៗ មកជូនក្រសួងមហាផ្ទៃ ខណៈប្រទេសកម្ពុជា កំពុងរង់ផលប៉ះពាល់ជំនន់ទឹកភ្លៀង៕
ដោយ ៖ នាយកដ្ឋានព័ត៌មានវិទ្យា
