អគ្គាធិការដ្ឋាន ក្រសួងមហាផ្ទៃ បើកកិច្ចប្រជុំពិភាក្សារបាយការណ៍ស្តីពីលទ្ធផលអង្កេតស្រាវជ្រាវករណីបណ្តឹងប្រជាពលរដ្ឋមួយរូបរស់នៅខេត្តសៀមរាប
នារសៀលថ្ងៃអង្គារ ទី០១ ខែកញ្ញា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញដឹកនាំកិច្ចប្រជុំពិភាក្សារបាយការណ៍ស្តីពីលទ្ធផលអង្កេតស្រាវជ្រាវករណីបណ្តឹងប្រជាពលរដ្ឋមួយរូបរស់នៅខេត្តសៀមរាប គោរពជូន សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ មេត្តាជួយរកយុត្តិធម៌ ដោយចោទប្រកាន់ លោកអធិការ និងនាយផ្នែក មួយរូប នៃអធិការដ្ឋាននគរបាលស្រុក ខេត្តសៀមរាបថា បានឃុបឃិតជាមួយជនសង្ស័យបង្វែងសំណុំរឿងឃាតកម្ម ទៅជារឿងគ្រោះថ្នាក់ចរាចរណ៍ ថែមទាំងបានកែឯកសារទីកន្លែងកើតហេតុ និងថ្ងៃខែឆ្នាំដែលជនរងគ្រោះស្លាប់ ទៀតផង។
កិច្ចប្រជុំនេះប្រព្រឹត្តទៅនៅសាលប្រជុំរបស់អគ្គាធិការដ្ឋាននិងមានការអញ្ជើញចូលរួមពី ឯកឧត្តម លោកជំទាវ អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន
