ទីស្តីការក្រសួងមហាផ្ទៃ នារសៀលថ្ងៃចន្ទ ទី៣១ ខែសីហា ឆ្នាំ២០២០ ឯកឧត្តម នាយឧត្តមសេនីយ៍ ប៉ោ ភក្តិ អគ្គលេខាធិការ នៃអគ្គលេខាធិការដ្ឋាន ក្រសួងមហាផ្ទៃ បានអញ្ជើញជាអធិបតីភាពដឹកនាំកិច្ចប្រជុំពិនិត្យលើវឌ្ឍនភាពនៃការងារអនុវត្តគម្រោងរដ្ឋបាលអេឡិចត្រូនិច Documents Management System (DMS) របស់អគ្គលេខាធិការដ្ឋាន ក្រសួងមហាផ្ទៃ ដែលធ្វើបទបង្ហាញដោយនាយកដ្ឋានព័ត៌មានវិទ្យា។
ក្នុងកិច្ចប្រជុំនេះក៏មានការអញ្ជើញចូលរួមពី ឯកឧត្តម លោកជំទាវ អគ្គលេខាធិការរង នៃអគ្គលេខាធិការដ្ឋាន ក្រសួងមហាផ្ទៃ ឯកឧត្តម ប្រធាន អនុប្រធាននាយកដ្ឋាន លេខាធិការដ្ឋានចំណុះអគ្គលេខាធិការដ្ឋាន ព្រមទាំងអង្គភាព និងមន្រ្តីពាក់ព័ន្ធជាច្រើនរូបផងដែរ៕
ដោយ៖ នាយកដ្ឋានព័ត៌មានវិទ្យា