សាលារាជធានីភ្នំពេញ៖ នៅព្រឹកថ្ងៃព្រហស្បតិ៍ ទី១៣ ខែសីហា ឆ្នាំ២០២០ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម និងឯកឧត្ដម ឃួង ស្រេង អភិបាលរាជធានីភ្នំពេញ បានអញ្ជើញដឹកនាំកិច្ចប្រជុំរវាងអគ្គនាយកដ្ឋានអត្តសញ្ញាណកម្ម និងសាលារាជធានីភ្នំពេញលើការរៀបចំអនុវត្តយន្តការច្រកចេញ ចូលតែមួយ សេវាអត្តសញ្ញាណកម្មនៅថ្នាក់សង្កាត់ នៅរាជធានីភ្នំពេញ។
ក្នុងកិច្ចប្រជុំនេះផងដែរក៏មានការអញ្ជើញចូលរួម ឯកឧត្ដម អគ្គនាយករង លោកប្រធាន អនុប្រធាននាយកដ្ឋាន លោកនាយការិយាល័យ ចំណុះអគ្គនាយកដ្ឋានអត្តសញ្ញាណកម្ម ព្រមទាំងរដ្ឋបាលសាលារាជធានីភ្នំពេញ ក្រុមប្រឹក្សារាជធានី លោក លោកស្រីអភិបាល អភិបាលរងរាជធានីភ្នំពេញ លោក លោកស្រីអភិបាល អភិបាលរងខណ្ឌ មន្ទីរ អង្គភាព និងមន្រ្តី អាជ្ញាធរពាក់ព័ន្ធគ្រប់លំដាប់ថ្នាក់ជាច្រើនរូបផងដែរ៕
ប្រភព៖ អគ្គនាយកដ្ឋានអត្តសញ្ញាណកម្ម