អគ្គនាយកដ្ឋានអត្តសញ្ញាណកម្ម បើកកិច្ចប្រជុំពិភាក្សាត្រៀមប្រជុំរវាងអគ្គនាយកដ្ឋានអត្តសញ្ញាណកម្ម និងសាលារាជធានីភ្នំពេញ លើការរៀបចំអនុវត្តយន្តការច្រកចេញ ចូលតែមួយ សេវាអត្តសញ្ញាណកម្មនៅថ្នាក់សង្កាត់ ក្នុងរាជធានីភ្នំពេញ
អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃអង្គារ ទី១១ ខែសីហា ឆ្នាំ២០២០ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំពិភាក្សាត្រៀមកិច្ចប្រជុំរវាងអគ្គនាយកដ្ឋានអត្តសញ្ញាណកម្ម និងសាលារាជធានីភ្នំពេញ លើការរៀបចំអនុវត្តយន្តការច្រកចេញ ចូលតែមួយ សេវាអត្តសញ្ញាណកម្មនៅថ្នាក់សង្កាត់ ក្នុងរាជធានីភ្នំពេញ។
ក្នុងកិច្ចប្រជុំនេះផងដែរក៏មានការអញ្ជើញចូលរួមពី ឯកឧត្តម អគ្គនាយករង លោក ប្រធាន អនុប្រធាននាយកដ្ឋាន ព្រមទាំងលោកនាយការិយាល័យពាក់ព័ន្ធចំណុះអគ្គនាយកដ្ឋានអត្តសញ្ញាណកម្ម៕
ប្រភព៖ អគ្គនាយកដ្ឋានអត្តសញ្ញាណកម្ម
