អគ្គាធិការដ្ឋាន ក្រសួងមហាផ្ទៃ បើកកិច្ចប្រជុំពិភាក្សារបាយការណ៍ស្តីពីលទ្ធផលចុះអង្កេតស្រាវជ្រាវ ករណីបណ្តឹងរបស់ប្រជាពលរដ្ឋរស់នៅក្នុងខេត្តបាត់ដំបង
ព្រឹកថ្ងៃអង្គារទី១៤ ខែកក្កដា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញដឹកនាំកិច្ចប្រជុំពិភាក្សារបាយការណ៍ស្តីពីលទ្ធផលចុះអង្កេតស្រាវជ្រាវ ករណីបណ្តឹងរបស់ប្រជាពលរដ្ឋមួយរូប រស់នៅក្នុងខេត្តបាត់ដំបង បានប្តឹងចោទប្រកាន់មន្ត្រីនគរបាលមួយរូប ពីបទឆបោក ដោយថាបានជំពាក់លុយរបស់ខ្លួន ហើយបានគេសវេសមិនព្រមសង ទោះបីជាគាត់ព្យាយាមជួបយ៉ាងណាក៏ដោយ ហេតុនេះហើយ ទើបគាត់សម្រេចចិត្តដាក់ពាក្យបណ្តឹងមកក្រសួងមហាផ្ទៃ ដើម្បីជួយអន្តរាគមន៍ដោះស្រាយ។
កិច្ចប្រជុំនេះប្រព្រឹត្តទៅនៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន
