នៅព្រឹកថ្ងៃអង្គារ ទី០៧ ខែកក្កដា ឆ្នាំ២០២០ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពក្នុងពិធីប្រកាសចូលកាន់មុខតំណែង ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា និងសំណេះសំណាលមន្រ្តី ចំណុះនាយកដ្ឋានគ្រប់គ្រងប្រព័ន្ធព័ត៌មានវិទ្យា។ ក្នុងកិច្ចប្រជុំនេះផងដែរក៏មានការចូលរួមពី ឯកឧត្តម អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន ព្រមទាំងលោក លោកស្រីនាយ នាយរងការិយាល័យ និងមន្រ្តីចំណុះនាយកដ្ឋានគ្រប់គ្រងប្រព័ន្ធព័ត៌មានវិទ្យា នៃអគ្គនាយកដ្ឋានអត្តសញ្ញាណកម្ម។
ក្រោយពីកិច្ចប្រជុំនេះ ឯកឧត្តម នាយឧត្តមសេនីយ៍ អគ្គនាយក បានអញ្ចើញបន្តចុះទស្សនកិច្ចនៅនាយកដ្ឋានគ្រប់គ្រងប្រព័ន្ធព័ត៌មានវិទ្យា ដើម្បីត្រួតពិនិត្យមើលម៉ាស៊ីនមេ និងទីធ្លាកន្លែងបរិវេណរបស់នាយកដ្ឋានផងដែរ៕
ប្រភព៖ អគ្គនាយកដ្ឋានអត្តសញ្ញាណកម្ម