នៅទីស្ដីការក្រសួងមហាផ្ទៃ នាព្រឹកថ្ងៃទី៧ ខែកក្កដា ឆ្នាំ២០២០នេះ ឯកឧត្តម ងី ច័ន្ទ្រផល រដ្ឋលេខាធិការ ក្រសួងមហាផ្ទៃ និងជាប្រធានក្រុមការងារទទួលបន្ទុកបង្កើតបណ្ដាញទីក្រុងឆ្លាតអាស៊ាន បានដឹកនាំកិច្ចប្រជុំពិភាក្សាការងារចាំបាច់នានា សម្រាប់ត្រៀមចូលរួមកិច្ចប្រជុំប្រចាំឆ្នាំលើកទី៣ នៃបណ្ដាញទីក្រុងឆ្លាតរបស់អាស៊ាន ដោយមានការចូលរួមពីអគ្គនាយករង ប្រធានាយកដ្ឋាន អនុប្រធាននាយកដ្ឋាន អគ្គនាយដ្ឋានពាក់ព័ន្ធ ព្រមទាំងអង្គភាពនានាផងដែរ។ គួរជម្រាបជូនថា កិច្ចប្រជុំប្រចាំឆ្នាំលើកទី៣ នៃបណ្ដាញទីក្រុងឆ្លាតរបស់អាស៊ាន នឹងត្រូវប្រព្រឹត្តឡើងតាមប្រព័ន្ធonline នៅថ្ងៃទី១៧ ខែកក្កដា ឆ្នាំ២០២០ ខាងមុខនេះ៕ កញ្ញា
ដោយ៖ នាយកដ្ឋានព័ត៌មានវិទ្យា