ព្រឹកថ្ងៃអង្គារ ទី១៦ ខែមិថុនា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំពិភាក្សាឆ្លងរបាយការណ៍ស្តីពីលទ្ធផលនៃការចុះធ្វើអធិការកិច្ចលើ សំណើសុំរបស់ប្រជាពលរដ្ឋចំនួន៥៩គ្រួសារ គោរពជូន សម្តេចក្រឡាហោម អន្តរាគមន៍ទប់ស្កាត់ការទន្រ្ទានយកដីព្រៃលិចទឹក និងចាត់វិធានការតាមផ្លូវច្បាប់ ដោយបានចោទប្រកាន់បុគ្គល៨រូប ដែលមានតួនាទីជាមន្ត្រីនគរបាលស្រុក មន្ត្រីបរិស្ថានខេត្ត អ្នកសារព័ត៌មាន និងប្រជាពលរដ្ឋ ថា បានលួចឈូសឆាយរំលោភយកដីព្រៃលិចទឹកធ្វើជាកម្មសិទ្ធិផ្ទាល់ខ្លួន នៅទីតាំងចំណុចត្រពាំងស្តុកត្រាវ ស្ថិតនៅស្រុកបរិបូរណ៌ ខេត្តកំពង់ឆ្នាំង។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន ក្រសួងមហាផ្ទៃ និងមានការអញ្ជើញចូលរួមពី ឯកឧត្តម លោកជំទាវ អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន