អគ្គាធិការដ្ឋាន ក្រសួងមហាផ្ទៃ បើកកិច្ចប្រជុំពិភាក្សាឆ្លងរបាយការណ៍ស្តីពីលទ្ធផល នៃការចុះអង្កេតស្រាវជ្រាវលើករណីបណ្តឹងរបស់ប្រជាពលរដ្ឋ
នារសៀលថ្ងៃពុធ ទី១៣ ខែឧសភា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញបើកកិច្ចប្រជុំពិភាក្សាឆ្លងរបាយការណ៍ស្តីពីលទ្ធផល នៃការចុះអង្កេតស្រាវជ្រាវ ករណីបណ្តឹងរបស់ប្រជាពលរដ្ឋមួយរូប គោរពជូន សម្តេចក្រឡាហោម មេត្តាជួយរកយុត្តិធម៌ ដោយចោទប្រកាន់ លោកអភិបាលរងក្រុងដូនកែវមួយរូប ខេត្តតាកែវ និងបក្សពួកថា បានអនុវត្តដោយបង្ខំមានភាពមិនប្រក្រតី លំអៀងខុសនឹងនីតិវិធីរដ្ឋបាល ព្រមទាំងបានបំផ្លិចបំផ្លាញទ្រព្យសម្បត្តិរបស់ប្រជាពលរដ្ឋ ថែមទាំងបំពានប៉ុនប៉ងរំលោភកាន់កាប់ដីធ្លីដែលជាកម្មសិទ្ធិ និងស្របច្បាប់របស់គាត់ទៀតផង។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន
