ក្រសួងមហាផ្ទៃ សូមជូនដំណឹងដល់បណ្ដាក្រុមហ៊ុន/សហគ្រាស (គិតទាំង សហគ្រាសឯកត្តបុគ្គល) ទាំងអស់ដែលបានចុះបញ្ជីត្រឹមត្រូវ ក្នុងព្រះរាជាណាចក្រកម្ពុជាឲ្យបានជ្រាបថា ក្រសួងមហាផ្ទៃ ផ្នែករដ្ឋបាលទូទៅ នឹងដាក់ឲ្យពិគ្រោះថ្លៃ និងដេញថ្លៃ ជាសាធារណៈជ្រើសរើស ក្រុមហ៊ុន/សហគ្រាស សម្រាប់ជួសជុល សម្ភារបច្ចេកទេស។
សម្ភារ ដែលត្រូវការដេញថ្លៃ រួមមាន ៖ ការជួសជុលម៉ាស៊ីនកុំព្យូទ័រ ម៉ាស៊ីនហ្វូតកូពី និងម៉ាស៊ីព្រីនធ័រ តាមបណ្ដានាយកដ្ឋាន អង្គភាពនានា របស់ក្រសួងមហាផ្ទៃ សម្រាប់ឆ្នាំ២០២០, ការជួសជុលរថយន្ដ តាមបណ្ដានាយកដ្ឋាន អង្គភាពនានារបស់ក្រសួងមហាផ្ទៃ សម្រាប់ឆ្នាំ២០២០, ការជួសជុលម៉ាស៊ីនត្រជាក់ តាមបណ្ដានាយកដ្ឋាន អង្គភាពនានារបស់ក្រសួងមហាផ្ទៃ សម្រាប់ឆ្នាំ២០២០, ការផ្គត់ផ្គង់ម៉ូតូចំនួន៥គ្រឿង, ការផ្គត់ផ្គង់សំបកកង់រថយន្ដ។
ក្នុងសេចក្ដីជូនដំណឹងរបស់ក្រសួងមហាផ្ទៃ ចេញផ្សាយនាពេលថ្មីៗនេះ បានឲ្យដឹងថា ក្រសួងមហាផ្ទៃបានរៀបចំឯកសារសម្រាប់ក្រុមហ៊ុន /សហគ្រាស បំពេញដើម្បីចូលរួមដេញថ្លៃ និងមានដាក់លក់នៅអង្គភាពលទ្ធកម្ម ផ្នែករដ្ឋបាលទូទៅ នៃអគ្គនាយកដ្ឋានភស្ដុភារ និងហិរញ្ញវត្ថុ ក្រសួងមហាផ្ទៃ ដែលមានអាសយដ្ឋាន ក្នុងទីស្ដីការក្រសួងមហាផ្ទៃ ចាប់ពីថ្ងៃទី១ ខែឧសភា ឆ្នាំ២០២០តទៅ រៀងរាល់ម៉ោងធ្វើការ ឬទាក់ទងតាមទូរស័ព្ទលេខ ០២៣ ៧២៦ ០៤៥៕
ដោយ ៖ នាយកដ្ឋានព័ត៌មានវិទ្យា