អគ្គាធិការដ្ឋាន ក្រសួងមហាផ្ទៃ បើកកិច្ចប្រជុំពិភាក្សាឆ្លងរបាយការណ៍ស្តីពីសកម្មភាពការងារប្រចាំខែមេសា និងទិសដៅអនុវត្តការងារបន្តសម្រាប់ខែឧសភាឆ្នាំ២០២០
ព្រឹកថ្ងៃព្រហស្បតិ៍ ទី៧ ខែឧសភា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញដឹកនាំកិច្ចប្រជុំពិភាក្សាឆ្លងរបាយការណ៍ស្តីពីសកម្មភាពការងារប្រចាំខែមេសា និងទិសដៅអនុវត្តការងារបន្តសម្រាប់ខែឧសភាឆ្នាំ២០២០ របស់អគ្គាធិការដ្ឋាន។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម លោកជំទាវ អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ។ នាឱកាសនោះដែរ ក៏មានការអបអរសាទររីករាយចំពោះការប្រកាសនូវមុខតំណែងអគ្គាធិការរងថ្មីមួយរូបដែលទើបទទួលបានការតែងតាំង។
ឯកឧត្តម អ៉ីវ លាង អគ្គាធិការ បានលើកឡើងពីការពង្រឹងការអនុវត្តតួនាទី ភារកិច្ច និងបញ្ហាអវត្តមានរបស់មន្ត្រី ក្នុងនោះក្នុងផងដែរ អង្គប្រជុំបានឯកភាពត្រូវតែមានវិធានការចំពោះមន្ត្រីអវត្តមាន៕
ប្រភព៖ អគ្គារធិការដ្ឋាន
