ព្រឹកថ្ងៃអង្គារ ទី៥ ខែឧសភា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញដឹកនាំកិច្ចប្រជុំពិភាក្សាឆ្លងរបាយការណ៍ស្តីពីលទ្ធផល នៃការអង្កេតស្រាវជ្រាវ ពាក់ព័ន្ធករណីបណ្តឹងរបស់ប្រជាពលរដ្ឋគោរពជូនសម្តេចក្រឡាហោមមេត្តាជួយដោះស្រាយដោយប្តឹងលោកស្នងការរងខេត្តមួយរូប ថាសន្យាជួយរត់ការឱ្យចូលក្របខណ្ឌនគរបាលជាតិ ជាថ្នូរនឹងប្រាក់។
ឯកឧត្តមអគ្គាធិការ ក៏បានអំពាវនាវដល់បងប្អូនប្រជាពលរដ្ឋ ប្រយ័ត្នចាញ់បោកជនខិលខូចក្នងការរត់ការដូចករណីខាងលើនេះ ព្រោះករណីនេះ ជាអំពើខុសច្បាប់។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម លោកជំទាវ អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន