នារសៀលថ្ងៃចន្ទ ទី០៤ ខែឧសភា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញដឹកនាំកិច្ចប្រជុំពិភាក្សាឆ្លងផែនការសកម្មភាពសម្រាប់ឆ្នាំ២០២០ របស់អគ្គាធិការដ្ឋាន។
ផែនការសកម្មភាពឆ្នាំ២០២០នេះ គឺត្រូវបានរៀបចំឡើងដោយផ្អែកលទ្ធផលការងារឆ្នាំ២០១៩ និងផែនការយុទ្ធសាស្រ្តរយៈពេល៥ឆ្នាំ (២០២០-២០២៤)របស់អគ្គាធិការដ្ឋាន ដែលត្រូវបានដាក់ឱ្យប្រើប្រាស់ដោយ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តាមរយៈប្រកាសលេខ១៧៤០ ចុះថ្ងៃទី០៩ ខែមីនា ឆ្នាំ២០២០ កន្លងមកនេះ។ វានឹងក្លាយជាត្រីវិស័យក្នុងការអនុវត្តតួនាទី ភារកិច្ច និងរបៀបរបបការងាររបស់អគ្គាធិការដ្ឋាន ដើម្បីបង្កើនប្រសិទ្ធភាព និងសម្រេចលទ្ធផលការងារឱ្យកាន់តែល្អប្រសើរ។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន និងអនុប្រធាននាយកដ្ឋាន៕
ដោយ៖ អគ្គាធិការដ្ឋាន