នារសៀលថ្ងៃពុធ ទី២៩ ខែមេសា ឆ្នាំ២០២០ ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន អញ្ជើញដឹកនាំកិច្ចប្រជុំពិភាក្សារបាយការណ៍ចំនួន២ នៃលទ្ធផលអង្កេតស្រាវជ្រាវករណីរបស់សារព័ត៌មានបានចុះផ្សាយដូចខាងក្រោម៖
-សារព័ត៌មានមួយបានចុះផ្សាយថា ប្រជាពលរដ្ឋមានក្តីកង្វល់ពាក់ព័ន្ធនឹងសុវត្ថិភាព សន្តិសុខនៅសង្កាត់បឹងទំពុន១ ខណ្ឌមានជ័យដែលជាមូលដ្ឋានពួកគាត់រស់នៅ កើតមានចោរលួច ឆក់ ប្លន់ កើតឡើងយ៉ាងកក្រើក ដោយសារល្បែងស៊ីសងកើតមានជាច្រើនកន្លែង។
-សារព័ត៌មានមួយទៀត បានលើកឡើងពីការរិះគន់របស់ប្រជាពលរដ្ឋ ថាសមត្ថកិច្ចចុះបង្ក្រាបទីតាំងហ្គេមបាញ់ត្រីស្ថិតនៅក្បែរអធិការដ្ឋាននគរបាលខណ្ឌចំការមន បានជាង១ម៉ោងក៍បើកដំណើរការឡើងវិញ ម្ចាស់ទីតាំងពិតជាខ្លាំងមែន។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ៕
ប្រភព៖ អគ្គាធិការដ្ឋាន