សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានបន្តមានប្រសាសន៍យ៉ាងម៉ឺងម៉ាត់ថា ឆ្នាំ២០២០នេះ ជាឆ្នាំដែលអនុវត្តច្បាប់ឱ្យបានស្មើភាពគ្នា និង ជាឆ្នាំអនុវត្តច្បាប់យ៉ាងតឹងរឹង ចំពោះប្រជាពលរដ្ឋគ្រប់គ្នាទាំងអស់ មិនថាអ្នកធំ អ្នកតូច អ្នកមានលុយ អំណាច ឬអ្នកគ្មានលុយ គ្មានអំណាចនោះទេ។ ចំពោះការអនុវត្តត្រូវធ្វើឱ្យស្មើភាពគ្នា មិនអាចឱ្យច្បាប់ដើរទៅមុខបានទេ បើមិនអនុវត្តច្បាប់ឱ្យស្មើគ្នាទេ នឹងបង្កគ្រោះថ្នាក់ដល់ប្រជាពលរដ្ឋដែលគ្មានមុខមាត់ នឹងគ្មានអំណាច។

      សម្តេចក្រឡាហោម ស ខេង មានប្រសាសន៍បែបនេះក្នុងឱកាសអញ្ជើញជាអធិបតីក្នុងពិធីប្រកាសឲ្យចូលកាន់តំណែង ឯកឧត្តម គង់ សោភ័ណ្ឌ ជាអភិបាលខេត្តកណ្ដាលថ្មី ចំណែកឯកឧត្តម នុត ពុធដារ៉ា ជាអភិបាលរងខេត្តកណ្តាលថ្មី នៃគណៈអភិបាលខេត្តកណ្ដាល នាថ្ងៃទី០៤ ខែមីនា ឆ្នាំ២០២០ នៅសាលាខេត្តកណ្ដាល៕

ដោយ៖ នាយកដ្ឋានព័ត៌មានវិទ្យា