នារសៀលថ្ងៃទី១០ ខែសីហា ឆ្នាំ២០១៧ នេះ នៅទីស្តីការក្រសួងមហាផ្ទៃ មានរៀបចំកិច្ចប្រជុំស្ដីពីការត្រួតពិនិត្យការអនុវត្តការងាររបស់អគ្គលេខាធិការដ្ឋានក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ ឯកឧត្តម ឧត្តមសេនីយ៍ឯក ប៉ោ ភក្តិ អគ្គលេខាធិការ នៃអគ្គលេខាធិការដ្ឋានក្រសួងមហាផ្ទៃ។ កិច្ចប្រជុំនេះមានការចូលរួមពី ឯកឧត្តម លោកជំទាវ អគ្គលេខាធិការរង និង ថ្នាក់ដឹកនាំនៃនាយកដ្ឋានចំណុះអគ្គលេខាធិការដ្ឋានក្រសួងមហាផ្ទៃទាំងអស់។