នារសៀលថ្ងៃទី០៥ ខែកុម្ភះ ឆ្នាំ២០២០ ឯកឧត្ដមនាយឧត្តមសេនីយ៍ មាស វិរិទ្ធ អគ្គលេខាធិការ អាជ្ញាធរជាតិប្រយុទ្ធប្រឆាំងគ្រឿងញៀនបានអនុញ្ញាតឲ្យប្រតិភូរបស់អង្គការសហប្រជាជាតិទទួលបន្ទុកគ្រឿងញៀននិងឧក្រិដ្ឋកម្ម (UNODC) ដឹកនាំដោយលោកស្រីអ៊ីន ស៊ីក ស៊ីម (Inshik Sim)ដេីម្បីជួបពិភាក្សាកាងារ។
កិច្ចប្រជុំនៅឱកាសនោះគឺផ្តោតសំខាន់លេីកិច្ចសហការNACD និងUNODC លេីការងារត្រៀម កិច្ចប្រជុំមន្រ្តីជាន់ខ្ពស់នៃប្រទេសMoU ការរៀបចំសិក្ខាសាលាថ្នាក់តំបន់SMART កិច្ចសហប្រតិបត្តិការឆ្លងកាត់ព្រំដែនប្រឆាំងនឹងការជួញដូរគ្រឿងញៀន និងសារធាតុគីមីនិងឧក្រិដ្ឋកម្មដែលមានអង្គការចាត់តាំង ការវិវឌ្ឍន៍ ចុងក្រោយនៃទីផ្សារគ្រឿងញៀនថ្នាក់តំបន់ និងថ្នាក់ជាតិជាដេីម។ ល។
លោកស្រីអ៊ីន ស៊ីក ស៊ីម (Inshik Sim) មន្រ្តី កម្មវិធីគ្រប់គ្រងសារធាតុគីមី និងSMART បានសម្តែងនូវភាពសប្បាយរីករាយដោយបានការអនុញ្ញាតទទួលជួបពិភាក្សាការងារនាពេលនេះ ដោយជជែកពិភាក្សាមួយចំនួន សំដៅពង្រឹងប្រសិទ្ធភាពការងារត្រួតពិនិត្យគ្រឿងញៀន។
លោកស្រី វ៉ាលែនទីណា ភែនស៊ីរី(Valentina Pancieri )មន្រ្តីកម្មវិធីគ្រប់គ្រងព្រំដែន របស់UNODC បានមានប្រសាសន៍ថា កម្ពុជា បានចួលរួមយ៉ាងសកម្ម លេីការងារទប់ស្កាត់បទល្មេីសគ្រឿងញៀនឆ្លងកាត់ព្រំដែនតាមរយ:ការបង្កេីតបានការិយាល័យ ទំនាក់ទំនងព្រំដែនBLO ចំនួន១៧ហេីយទទួលបានការគាំទ្រ ពីUNODC ហេីយកម្ពុជានឹងទទួលបានការគាំទ្របង្កេីតឲ្យមានការិយាល័យBLOចំនួន៣បន្ថែមទៀតគឺទីតាំង BLOអូយ៉ាដាវ ខេត្តរតនគិរី BLOជប់គគីរ ឧត្តរមានជ័យ BLOគោករការ ខេត្តព្រៃវែង ។
ឯកឧត្ដមនាយឧត្តមសេនីយ៍ មាស វិរិទ្ធអគ្គលេខាធិការ អាជ្ញាធរជាតិប្រយុទ្ធប្រឆាំងគ្រឿងញៀនបានថ្លែងអំណរគុណដល់UNODC ដែលបានសហការគាំទ្រជួយដល់ការងារប្រយុទ្ធប្រឆាំងគ្រឿងញៀននៅកម្ពុជា ដោយបានផ្តល់គាំទ្រឲ្យមានការរៀបចំកិច្ចប្រជុំមន្រ្តីជាន់ខ្ពស់ នៃMoU នៅអំឡុងខែ កក្កដា និងគាំទ្ររាល់សកម្មភាព របស់អង្គការUNODCដែលបានជួយដល់កម្ពុជាក្នុងការបង្ការទប់ស្កាត់បទល្មេីសគ្រឿងញៀនឆ្លងកាត់ព្រំដែន៕
ប្រភព៖ អាជ្ញាធរជាតិប្រយុទ្ធប្រឆាំងគ្រឿងញៀន
