នារសៀលថ្ងៃអង្គារ ទី៤ ខែកុម្ភៈ ឆ្នាំ២០២០ អគ្គាធិការដ្ឋាន មានរៀបចំកិច្ចប្រជុំពិភាក្សាឆ្លងរបាយការណ៍ ស្តីពីសកម្មភាពការងារប្រចាំខែមករា និងទិសដៅសកម្មភាពអនុវត្តសម្រាប់ខែកុម្ភៈ ឆ្នាំ២០២០ ក្រោមអធិបតីភាព ឯកឧត្តម អ៉ីវ លាង អគ្គាធិការ នៃអគ្គាធិការដ្ឋាន។
បន្ទាប់ពីអង្គប្រជុំបានកែសម្រួលខ្លឹមសារ និងឯកភាពគ្នាលើរបាយការណ៍រួចមក ឯកឧត្តម អគ្គាធិការ បានលើកបញ្ហាថ្នាក់ដឹកនាំ និងមន្ត្រីអវត្តមានដោយមិនបានសុំច្បាប់ និងអសកម្មចំពោះការអនុវត្តការងារកន្លងមក ដាក់ជូនអង្គប្រជុំពិភាក្សា និងសម្រេច គួរចាត់វិធានការបែបណា ។
យោងតាមការឯកភាពគ្នាក្នុងអង្គប្រជុំ អគ្គាធិការដ្ឋាន នឹងធ្វើលិខិតណែនាំផ្ទៃក្នុងមួយជំហានសិន ដើម្បីក្រើនរំលឹកដល់មន្ត្រីអវត្តមានទាំងអស់ដែលមិនមកបម្រើការងារនាពេលកន្លងមក មុនឈានដល់ការចាត់វិធានការណាចំពោះមន្ត្រីនោះ ជាពិសេសនៅក្នុងអង្គប្រជុំ ថ្នាក់ដឹកនាំ បានប្តេជ្ញា និងអនុវត្តធ្វើជាគម្រូចេញពីថ្នាក់លើ ដល់ថ្នាក់ក្រោម ជាមុនផងដែរ ។
កិច្ចប្រជុំនេះប្រព្រឹត្តទៅ នៅសាលប្រជុំរបស់អគ្គាធិការដ្ឋាន និង មានការអញ្ជើញចូលរួមពី ឯកឧត្តម លោកជំទាវ អគ្គាធិការរង ប្រធាននាយកដ្ឋាន អនុប្រធាននាយកដ្ឋាន និងមន្រ្តីជំនាញ ៕
ប្រភព៖ អគ្គាធិការដ្ឋាន